
Իրականացման ժամկետը- հոկտեմբերի 18 — 20
Պատասխանատու՝ Գայանե Վարդանյան
Հարավային դպրոց-պարտեզի նախակրթարանի 2-4 տարեկանների խմբում
Հեքիաթի ընթերցում
Հեքիաթը ̀ Պապն ու շաղգամը
Ակնկալիք
Հետաքրքիր հանդիպում, բոլոր երեխաների ակտիվ մասնակցություն, բեմականացում-խաղ, նաև բեմականացում տիկնիկներով
Նպատակը
Երեխաների մեջ սերմանել սեր, հետաքրքրություն գրքի և ընթերցանության հանդեպ
Ընթացքը
Օր առաջին՝ ընթերցում և վերլուծում ենք հեքիաթը
Պատկերավոր ընթերցել հեքիաթը, օգնել, ընդառաջել երեխաներին մանրամասնելու հեքիաթում ներկայացված դրվագները, թվարկել հեքիաթի հերոսներին՝ խառը և հերթականությամբ, հաշվելով որոշել նրանց քանակը, նկարագրել յուրաքանչյուր հերոսին: Առաջարկել երեխաներին բեմականացնել հեքիաթը՝ հերոսների ընտրությունը թողնելով նրանց կամքին, ապահովել բեմական հագուստ:
Օր երկրորդ՝ ստվարաթղթից պատրաստում ենք հեքիաթի հերոսներին
Համագործակցել տեխնոլոգիայի դասավանդողի հետ, ներգրավելով երեախներին պատրաստել ստվարաթղթից հեքիաթի հերոսներին, յուրաքանչյուր հերոսի պատրաստման ընթացքում նկարագրել և պատմել տվյալ հերոսի մասին, խոսել ընտանիքի անդամների, ընտանի կենդանիների մասին, սովորեցնել բարություն, ընկերասիրություն, միմյանց օգնելու ցանկություն և կարևորություն: Առաջարկել և ոգևորել երեխաներին իրենց իսկ պատրաստած տիկնիկներով իրականացնել բեմականացում հաջորդ օրը:
Օր երրորդ՝ հեքիաթի բեմականացում մեր իսկ պատրաստած տիկնիկներով
Վերընթերցել հեքիաթը: Երեխաները ըստ ցանկությամբ կընտրեն հերոսներին և կկատարեն համապատասխան դերը, ընթացքում իրականացնել թատրոն-խաղ, առաջարկել երեխաներին կազմել շարք.
.հեքիաթում նկարագրված հերոսների հերթականությամբ
.շարք կազմեն միայն ընտանիքի անդամները
.միմյանցից առանձին-առանձին շարք կազմեն մարդիք և կենդանիները
.հաշվել հերոսներին
.կանգնել զույգերով
.հաշվել և որոշել հեքիաթում մարդկանց և կենդանիների քանակը
Ամբողջ ընթացքում անպայման ապահովել բոլոր երեխաների մասնակցությունը:
Խնդիրները
.երեխան ճիշտ ըմբռնի հեքիաթում ներդրված իմաստը:
.հիշի և մտապահի հեքիաթը, հերոսների անունները
.կարողանա ինքնուրույն վերարտադրել այն, ինչ տեսնում և լսում է
.սովորի համատեղ աշխատել. օր. միասին տիկնիկների պատրաստումը
.խոսքի և երևակայության զարգացում
Արդյունքը
Վաղ տարիքից փոքրիկի մեջ զարգացնել սեր, հետաքրքրություն դեպի գիրքը և ընթերցանությունը: Գիրք- փոքրիկ կապի հետագա ընթացքի զարգացում: